Blogia
CIUDADAN@S CABREAD@S, denunciando al sistema.

¿Leis de libertade de prensa? ¿Para qué...? O que fallan son os valores de alguns periodistas... Así nos vai...

Xosé Manuel Beiras, nunha protestas contra os lumes, en Santiago FOTO: GH

Xosé Manuel Beiras: "Fun obxecto de censura política"  

Xosé Manuel Beiras: "Fun obxecto de censura política"   O político ratifica a información de "Galicia Hoxe" sobre o seu veto na Radio Galega e espera unha explicación por parte do BNG   GALICIA HOXE - 26.10.06  http://www.galicia-hoxe.com/index_2.php?idMenu=153&idNoticia=97443

  O político Xosé Manuel Beiras ratificou onte a información publicada por este xornal, na que se asegura que a súa voz foi silenciada dentro da Radio Galega (RG). Beiras, que onte, finalmente, recibiu unha explicación da súa exclusión, por parte do director da RG, Virxilio Costas, fala directamente de censura política. "A explicación que se me deu non se corresponde coa realidade. As miñas fontes indícanme que houbo unha censura política por parte de Antón Losada", asegura Beiras. Segundo as súas palabras "as cousas son as que conta Galicia Hoxe e agora espero que todo isto se clarifique dentro do BNG".
  En canto á Radio Galega, a súa dirección asegurou onte, mediante un comunicado, que Beiras, a día de hoxe, segue estando na nómina dos personaxes que participan en "A Rebotica", malia que a semana pasada non interveu ningún día. A emisora considera "totalmente falso que comisarios políticos da UPG veten a Beiras", tal e como explicou na edición do martes este xornal.
  A explicación ó silencio de Xosé Manuel Beiras en A Crónica reside, segundo a dirección, "na nova temporada que trouxo consigo a incorporación de novos tertulianos, a baixa doutros e a creación de novas seccións".
  Deste xeito, "abriuse un novo espazo en A Crónica que se chama "A Rebotica" no que lle propuxon a Xosé Manuel Beiras a súa participación, proposta que foi aceptada", afirman.
  A Radio Galega lamenta que "Galicia Hoxe non contrastase a nova". Ademais, asegura que "é falso que algún xornalista dese periódico intentase falar co director da Radio Galega onte pola tarde (referido ó martes). Estaría ben, continúa o comunicado, que, "polo menos, os lectores de Galicia Hoxe puidesen coñecer a versión da dirección da Radio Galega".
  Finalmente, a Radio Galega, baixo a dirección de Virxilio Costas, asegura que non vai entrar a xulgar se as informacións deben elaborarse con fontes obtidas de "numerosos chats" e sen contrastar. Tamén lamenta que se utilicen estas informacións pouco contrastadas para dirimir diferenzas políticas, respecto ás cales a emisora pública é totalmente allea".
  
  UPG: "Non somos partidarios de ningún tipo de censura"
  Pola súa parte, o secretario nacional de Organización da UPG, Roberto Vilameá, asegura que a UPG non ten ningunha responsabilidade na non continuidade de Xosé Manuel Beiras na RG. Vilameá explica nun comunicado que o seu partido "non é partidario de ningún tipo de censura e que, ademais, a UPG non ten ningunha responsabilidade política na dirección da Radio Galega. A UPG -continúa- defende o principio do respeito escrupuloso ao pluralismo político, respeito que, lamentabelmente, non sempre se cumpre nos medios de titularidade pública no noso país", segundo pon de manifesto no comunicado.
  A información sobre o "silencio de Beiras" "non dá, porque non pode dalo" ningún dato obxectivo e verificábel que permita ligar a UPG coa decisión de afastar a Beiras da súa colaboración coa RG. Para Vilameá trátase dunha información que "non alude a ningunha fonte concreta e que está inzada de prexuízos sectarios". Neste sentido, a UPG "lamenta a falta de rigor profisional na redacción da noticia que, por outra banda, non aparece asinada".
  
  Nota de redacción: O martes 24 de outubro a redactora Rosa Rodríguez intentou, en múltiples ocasións e de 17 a 21 horas, poñerse en contacto con Virxilio Costas a través da súa secretaria de dirección. Sen resposta, optou por recorrer ó gabinete de prensa onde lle recordaron que só era posible establecer comunicación a través da secretaria, coa que lle pasaron de novo por liña interna. Finalmente, recorreu a un "contacto" na RG. Todos os resultados foron infrutuosos.
    REACCIÓNS   X. Manuel Vega, presidente do Colexio de Xornalistas
  "Lamento moito que se faga un uso partidiario dos medios públicos. De ser tal e como di Beiras revelaría que se están a usar criterios políticos e que a mentalidade aínda non cambiou".
  Arturo Maneiro, director da Asociación de Periodistas
  "Non coñezo o caso pero considero que todo o que sexa censura ou que non se poidan expresar todas as tendencias nun medio público é un desprestixio para eses medio público".
  Tino Santiago, director da "Crónica", da RG
  "Eu sigo contando con Beiras para o programa. Non hai ningún conflito político. Na última semana non participou, unhas veces pola falta de coordinación e outras porque tiña outros compromisos".

 

27.10.2006 Internautas denuncian que a emisora suprimiu toda referencia a "Galicia Hoxe" nos resumos de prensa e móstranlle o seu apoio ó político .

A Radio Galega ofrécelle a Beiras os 3 minutos da rebotica. http://www.galicia-hoxe.com/index_2.php?idMenu=153&idNoticia=97810

O director do programa nocturno A Crónica, na Radio Galega, Tino Santiago, púxose en contacto onte con Xosé Manuel Beiras, para ofrecerlle a súa reincorporación ó microespazo A Rebotica, onde o político falaba durante tres minutos, tres veces por semana. Beiras rexeitou esta proposta e só está disposto a volver á emisora para colaborar en A Crónica, faladoiro do que foi apartado en setembro.

O xornalista Tino Santiago consultará a proposta de Beiras co director da Radio Galega, Virxilio Costas, tras o cal se lle dará unha resposta.

O ex voceiro do BNG denunciou esta semana "ser obxecto de censura política", o que motivou que se silenciara a súa voz. A radio pública negou con rotundidade este feito explicando que se tratan de reaxustes da nova temporada.

Os oíntes da Radio Galega foron os primeiros en preguntarse onde estaba Beiras. De un día para outro a súa voz deixou de soar sen recibir ningunha explicación. Moitos amosaron a súa preocupación en foros de internet. Despois de que este xornal respondera as súas inquedanzas, a rede segue sendo o medio usado para mostrar as súas opinións. Así, no enderezo www.noticiasgalicia.com pódese ler o seguinte comentario: "Parece que ós censores da RG non lles colmou o suficiente botar ao Beiras dos faladoiros. Xa postos, decidiron censurar o medio que denunciou semellante atropelo ó veterano ex líder do BNG.

Para máis inri, o periódico Galicia Hoxe desapareceu dos resumos de prensa que realiza a emisora pública per a matina". E é que ordes son ordes. Os oíntes poden constatar que desde o mércores pasado os da casa da radio suprimen toda referencia ó diario -por certo, único que se edita en galego no noso país- que se atreveu a denuncialos por censores. Moitos pregúntanse, agora, se por simpatía tamén se atreverán a censurar e/ou a expulsar dos "faladoiros" ó veterano tertuliano da casa, ó director de Galicia Hoxe. Xa veremos....".

A web de Galicia Hoxe rexistrou opinións como estas: "... dereitización, autonomismo militante... Deixo a militancia no BNG".

Outro internauta anónimo asegura: "Entre todas as versións por certo tan subxectivas as do director da RG como as de Beiras ... eu quedo coas de Tino Santiago, director da "Crónica", da RG. "Eu sigo contando con Beiras para o programa... Ó señor Beiras volveulle a pesar demasiado o seu exceso de protagonismo e a súa nova postura de vítima..."



 

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres